ការវះកាត់បែបមុខរបួសតូច

តើអ្នកខ្លាចមិនហ៊ានសៀកពាក់ឈុតប៊ីកីនីព្រោះតែស្លាកស្នាមវះកាត់មែនទេ? គ្មានបញ្ហាទៀតទេ! ឥឡូវនេះ មានបច្ចេកវិទ្យាថ្មីក្នុងការវញកាត់គឺការវះកាត់បែបគ្មានស្នាម MINIMALLY INVASIVE LAPAROSCOPY SURGERY ដែលអាចព្យបាលបញ្ហារោគស្រ្តីដែលត្រូវវះកាត់បាន។ ការវះកាត់បែបគ្មានស្នាមនេះគឺជាជំរើសឌ៏ល្អបំផុត។​ វាប្រើប្រាស់កាមេរ៉ាឆ្លុះចូលទៅក្នងខ្លួនតំបន់អាងត្រគាករបស់យើងក្នងការវះកាត់។

Laparoscope គឺប្រៀបដូចជាកាមេរ៉ាកែវពង្រីកដែលពន្ទី ដែលអាចជួយឲ្យវេជ្ជបណ្ឌិតមើលឃើញផ្នែកខាងក្នុងរាងកាយរបស់អ្នកជំងឺ។ វាអាចជួយវេជ្ជបណ្ឌិតធ្វើការវិនិច្ឆ័យរោគនិងស្ថានភាពជំងឺបានច្បាស់លាស់ដូចជា Endometriosis ឬ Fibroids។ វាក៏ជាទម្រង់នៃការព្យាបាលដោយប្រើឧបករណ៍តូច។ វិធីសាស្រ្តនេះអាចជួយឱ្យការវះកាត់កាន់តែមានភាព ច្បាស់លាស់ ការឈឺចាប់តិច និង ជាសះស្បើយឆាប់រហ័ស។ ពេលខ្លះការវះកាត់ដោយមនុស្សយន្ត​ត្រូវបានប្រើ សម្រាប់ការវះកាត់រោគស្ត្រីផងដែរ ប៉ុន្តែមានវាមានតម្លៃខ្ពស់។

ការព្យាបាលរោគស្ត្រីដែលអាចប្រើប្រាស់ដោយវិធី LAPAROSCOPY រួមមានដូចជា:

• ធ្វើរោគវិនិច្ឆ័យជម្ងឺចំពោះការឈឺចាប់ត្រគាករ៉ាំរៃនិងបញ្ហាពិបាកមានកូន
• ការកាត់យកគីសចេញពីក្រពេញអូវែ
• ការកាត់ស្បូន Hysterectomy
• ការវះកាត់ Myomectomy (Removal of Fibroids)
• ការវះកាត់Tubal Ligation
• ការវះកាត់Tubal Reanastomosis
• ការវះកាត់ Endometrial Tissue Ablation (Endometriosis Treatment)
• ការវះកាត់ Lysis adhesion
• ការធ្វើរោគវិនិច្ឆ័យពីដំណាក់កាលនៃជម្ងឺមហារីកឆ្អឹងស្ដ្រី Gynecologic cancer staging

ជំងឺដែលអាចការធ្វើរោគវិនិច្ឆ័យរួមមាន៖

• ជំងឺ Endometriosis
• ជំងឺដុំសាច់ក្នុងស្ប៉ូន Uterine fibroids
• គីសឬដុំសាច់ក្នុងពីក្រពេញអូវែ Ovarian cysts or tumors
• ការមានផ្ទៃពោះក្រៅស្ប៉ូន Ectopic pregnancy
• បូសអាងត្រគៀក (ខ្ទុះ) Pelvic abscess (pus)
• ជំងឺ Pelvic adhesions (Painful Scar Tissue)
• ជំងឺពិបាកមានកូន Infertility
• ជំងឺរលាកអាងត្រគៀក Pelvic inflammatory disease
• ជំងឺមហារីកប្រព័ន្ធបន្តពូជReproductive cancers

ការត្រៀមខ្លួន

• ការធ្វើតេស្តរូបភាពដែលអាចចាំបាស់ត្រូវធ្វើមានដូចជា អ៊ុលត្រាសោន (​ultrasound) ការស្កេន CT (computed tomography) វិភាគម៉ាញ៉េទិច MRI (Magnetic Resonance Imaging) ។
• គ្រូពេទ្យរបស់អ្នកអាចបង្គាប់ឱ្យបង្អត់អាហារឬការចាក់ថ្នាំបញ្ចុះ.
• ប្រាប់គ្រូពេទ្យអំពីថ្នាំណាមួយដែលអ្នកប្រើប្រាស់ជាប្រចាំ នេះរួមបញ្ចូលទាំងថ្នាំដែលលោកអ្នកទិញប្រើប្រាស់ខ្លួនឯងដូចជាវីតាមីនផងដែរ។ អ្នកអាចជាត្រូវបញ្ឈប់វា។
• ក្នុងករណីអ្នកមិនត្រូវសំរាកនៅមន្ទីរពេទ្យក្រោយការវះកាត់ អ្នកមិនត្រូវបានឲ្យបើកបរត្រលប់ទៅផ្ទះដោយខ្លួនឯងទេ ដូចនេះអ្នកគួរត្រៀមអ្នកបើកឡាននាំអ្នកត្រលប់ទៅផ្ទះវិញដូចជាមិត្តភ័ក្ត ឬ ស្នើរសុំសេវាកម្មដឹកជញ្ជូនរបស់មន្ទីរពេទ្យ  
• ដំណាក់កាល់នៃការព្យាបាលនិងការវិនិច្ឆ័យ
• ការធ្វើ Laparoscopy តែងតែត្រូវបានអនុវត្តក្រោមការប្រើថ្នាំសន្លប់ទូទៅ។ នេះមានន័យថាអ្នកនឹងសន្លប់ក្នុងពេលប្រតិបត្តិការ។
• នៅពេលដែលអ្នកគេងលក់ បំពង់តូចមួយដែលហៅថា catheter និងត្រូវបានដាក់បញ្ចូលដើម្បីយកទឹកនោម។ បន្ទាប់មកគេត្រូវបញ្ចូលឧស្ម័នកាបូនឌីអុកស៊ីតចូលក្នុងពោះរបស់អ្នកដោយម្ជុលតូចមួយ។ ឧស្ម័នកាបូនឌីអុកស៊ីតជួយទប់ស្បែកពោះអោយឆ្ងាយពីសរីរាង្គផ្សេងៗ។ វាជួយកាត់បន្ថយការប៉ះទង្គិច ឬ រងរបូសផ្សេងៗ។
• គ្រូពេទ្យវះកាត់នឹងចោះមុខរបួសតូចមួយនៅក្បែរផ្សិត ដើម្បីដាក់បំពង់កាមេរ៉ាឆ្លុះ laparoscope បន្ទាប់មកវានឹងបញ្ជូនរូបភាពទៅកាន់អេក្រង់ដែលអាចជួយឲ្យគ្រូពេទ្យមើលឃើញសរីរាង្គផ្សេងៗបានច្បាស់។
• ក្រោយពីនេះគ្រូពេទ្យនិងធ្វើការវិនិច្ឆ័យនិងនិងសម្រេច។ បើសិនអ្នកត្រូវធ្វើការវះកាត់ រាល់ឧបករណ៍ផ្សេងៗនឹងត្រូវដាក់បញ្ចូលតាមរន្ធដែលបានចោះនោះនិងធ្ចើតាមបែបនៃការវះកាត់ laparoscope។
• នៅពេលដែលការវះកាត់ត្រូវបានបញ្ចប់ ឧបករណ៍ទាំងអស់នឹងត្រូវយកចេញ ហើយមុខរបូសនឹងត្រូវបានដេរបិតផ្ជិត រួចគេនឹងបញ្ជូនអ្នកជំងឺទៅកាន់បន្ទប់សំរាក។
• រឿងគួរ​ និង មិនគួរធ្វើក្រោយការវះកាត់

សកម្មភាព

• មិនត្រូវបើកបរក្នុងរយៈពេល48ម៉ោងក្រោយការវះកាត់ laparoscopy។
• អ្នកមិនត្រូវគេងសំរាកតែនៅលើគ្រែទេ តែគួរសម្រាក់យកកំលាំង ហើយគួរមានសកម្មភាពខ្លះៗ។
• បន្ទាប់ពី 24 ម៉ោង អ្នកអាចធ្វើសកម្មភាពផ្សេងៗបានធម្មតាប្រសិនបើអ្នកមិនត្រូវលេបថ្នាំបំបាត់ការឈឺចាប់។
• វាអាស្រ័យទៅតាមការវះកាត់ សកម្មភាពខ្លះអាចត្រូវបន្តយ៉ាងប្រុងប្រយ័ត្នក្នុងរយៈពេល 5-7 ថ្ងៃ។

 អាហារូបត្ថម្ភ / ជាតិទឹកអ្នកគួរញ៉ាំទឹកឲ្យបានច្រើនដូចពេលមុនធ្វើការវះកាត់

• នៅថ្ងៃដំបូលដែលអ្នកត្រលប់ទៅផ្ទះវិញ អ្នកគួរញ៉ាំទឹកផ្លែឈើ ដូចជាទឹកផ្លែប៉ោម ទឹក Ginger Ale  ឬ ice pops ទឹកស៊ុប  នំ crackers នំបុ័ង ដើម្បីការពារមិនឲ្យឈឺក្រពះ.
• ជៀសវាងទឹកផ្លែក្រូច និងទឹកប៉េងប៉ោះ។ អ្នកអាចបន្ថែមចំណីអាហារជាលំដាប់។
• នៅថ្ងៃទី 2 បន្ទាប់ពីការវះកាត់អ្នកគួរតែត្រលប់ទៅទទួលទានរបបអាហារធម្មតាវិញ។
• ដោយសារតែថ្នាំបំបាត់ការឈឺចាប់ភាគច្រើនធ្វើអោយមានការទល់លាមកវាជារឿងសំខាន់ដែលត្រូវផឹកទឹកឱ្យបានច្រើន ញ៉ាំអាហារដែលមានជាតិសរសៃដូចជាផ្លែឈើនិងបន្លែហើយសកម្ម។

ការឈឺចាប់និងការព្យាបាល

• អ្នកអាចមានការឈឺចាប់នៅក្នុងពោះរបស់អ្នក.
• អ្នកអាចមានការឈឺចាប់ស្មា នេះបណ្តាលមកពីឧស្ម័នដែលនៅមានតែវានឹងបាត់ទៅវិញក្នុងរយៈពេល 48-72 ម៉ោង។ បន្ទះកំដៅអាចរជួយបំបាត់ការឈឺចាប់បាន។
• គ្រូពេទ្យរបស់អ្នកនឹងចេញវេជ្ជបញ្ជាឱសថដើម្បីជួយបំបាត់ការឈឺចាប់ពោះរបស់អ្នក។
• ប្រើថ្នាំបំបាត់ការឈឺចាប់តាមវេជ្ជបញ្ជារយៈពេល 48 ម៉ោងដំបូងតាមការចេញវេជ្ជបញ្ជា។
• ប្រសិនបើអ្នកទល់លាមក អ្នកអាចប្រើថ្នាំដែលវេជ្ជបណ្ឌិតចេញវេជ្ជបញ្ជា។
• ទំនាក់ទំនងទៅអ្នកផ្តល់សេវាថែទាំសុខភាពបឋមប្រសិនបើអ្នកមិនមានការបន្ទោបង់ក្នុងរយៈពេល 3 ថ្ងៃបន្ទាប់ពីការវះកាត់។

ការមើលថែមុខរបូស

• អ្នកនឹងមាន Band–Aid លើចំនុចមុខរបួសតូចៗ។ ដោះយក Band–Aid ចេញបន្ទាប់ពី 5-7 ថ្ងៃក្រោយពេលវះកាត់។
• ជំនួសដោយ Band–Aid ថ្មីដើម្បីការពារមុខរបួសមិនឲ្យកកិតនឹងខោ​ខូ​វ​ប៊​យនិងសំលៀកបំពាក់របស់អ្នក។
• អ្នកអាចមានការជាំពណ៌ខ្មៅនិងពណ៌ខៀវនៅជុំវិញតំបន់មុខរបួស។
• អ្នកមិនចាំបាច់ដោះយកថ្នេរចេញទេ វានឹងរលាយទៅវិញក្នុងរយៈពេល 4 សប្តាហ៍។
• អ្នកប្រហែលជាមានការហូរទឹករំអិលបន្តិចបន្តួចតាមទ្វាមាសរបស់អ្នកដែលអាចមានរយៈពេលពី 2 ទៅ 5 ថ្ងៃ។

ការមើលថែផ្នែកអារម្មណ៍ក្រោយការវះកាត់

• ក្រោយវះកាត់អ្នកអាចអស់កម្លាំងនិងឆាប់ខឹង។ ប្រើពេលនេះដើម្បីសម្រាកនិងធ្វើសកម្មភាពស្ងាត់។
• វាត្រូវការពេលវេលាដើម្បីជាសះស្បើយប៉ុន្តែអ្នកនឹងមានអារម្មណ៍ល្អ​ប្រសើរឡើងជារៀងរាល់ថ្ងៃ។